İranda hərbi rəhbərlikdə yeni təyinatlar - Müctəba Xameneidən fərman

İranda Silahlı Qüvvələr və İslam İnqilabı Keşikçiləri Korpusunda (SEPAH) bir sıra yüksək vəzifələrə yeni təyinatlar olub.

BAKU.WS xəbər verir ki, İranın Ali rəhbəri Müctəba Xamenei bununla bağlı fərman imzalayıb.

Fərmana əsasən, SEPAH generalı Əli Abdullahi Silahlı Qüvvələrin Baş Qərargah rəisi, briqada generalı Keyumers Heydəri isə onun müavini təyin edilib.

Əhməd Vahidiyə general-mayor rütbəsi verilib və o, SEPAH-ın baş komandanı vəzifəsinə təsdiqlənib. Mustafa İzədi isə onun müavini təyin olunub.

Bundan əlavə, Əli Əzmai SEPAH-ın Hərbi Dəniz Qüvvələrinin komandanı, Hüseyn Taib isə "Bəsic" təşkilatının rəhbəri vəzifəsinə gətirilib.

Qeyd edək ki, Əhməd Vahidi martın 1-dən SEPAH komandiri vəzifəsini müvəqqəti icra edirdi.