İran Gülüstan vilayətində yeni atom elektrik stansiyasının tikintisinə başlayıb

İranın şimalında yerləşən Gülüstan vilayətində yeni atom elektrik stansiyasının tikintisinə start verilib.

BAKU.WS xəbər verir ki, bu barədə ölkənin Atom Enerjisi Təşkilatının sədri və vitse-prezidenti Məhəmməd Eslami məlumat verib.

Onun sözlərinə görə, uzun axtarışlardan sonra stansiya üçün uyğun torpaq sahəsi müəyyən edilib və layihənin icrasına başlanılıb. Yeni obyektin İranın enerji təhlükəsizliyini gücləndirəcəyi və elektrik təminatında mühüm rol oynayacağı bildirilir.