Hamilə qadın pilotsuz taksidə uşaq dünyaya gətirdi

ABŞ-nin Kaliforniyadakı xəstəxanasına tələsən hamilə qadın uşağını birbaşa pilotsuz taksinin içində dünyaya gətirib.

BAKU.WS xəbər verir ki, bu barədə "Fox News" məlumat yayıb.

Məlumata görə, taksinin dəstək komandası bort kameraları və səs sistemi vasitəsilə avtomobilin salonunda qeyri-adi hərəkətlilik olduğunu müşahidə edib. Mütəxəssislər dərhal 911 xidmətinə məlumat verib və eyni zamanda qadınla əlaqə saxlamağa çalışıblar ki, vəziyyətinin yaxşı olduğuna əmin olsunlar.

Lakin hadisələr çox sürətlə inkişaf edib və qadın təcili yardım gəlməmişdən əvvəl avtomobilin arxa oturacağında uşaq dünyaya gətirib.

Hadisədən sonra avtomobil protokola uyğun olaraq dərhal xətdən çıxarılıb, təmizlənməsi və sistemlərinin yoxlanılması təşkil olunub. Şirkət bildirib ki, bu cür hallar nadir baş verir, lakin pilotsuz taksidə baş verən ilk doğuş deyil.

Qalereya