Fransanın 19 bölgəsində narıncı həyəcan elan edildi

Fransada Floriane qasırğası səbəbindən 19 bölgədə narıncı təhlükə səviyyəsi elan olunub.

Fransa Meteorologiya Agentliyi Meteo France-nin verdiyi məlumata görə, Atlantik sahillərindən gələn Floriane qasırğası ölkənin şimalında, Vende bölgəsindən başlayaraq paytaxt Parisin də daxil olduğu İle-de-France bölgəsində təsirli olacaq.

Qasırğanın təsir göstərəcəyi bölgələr sırasında Maine-et-Loire, Indre-et-Loire, Sarthe, Loir-et-Cher, Loiret, Eure-et-Loir, Yvelines, Essonne, Val-d"Oise, Seine-Saint-Denis, Val-de-Marne, Hauts-de-Seine, Paris, Seine-et-Marne, Aisne, Marne, Meuse, Ardennes və Loire et Rhone yer alır.

Floriane qasırğasının saatda 110 kilometr sürətə çatacağı və axşam saatlarına qədər təsirini davam etdirəcəyi gözlənilir.