Forbes: Ukrayna ordusunda "Pion" topları üçün mərmilər qurtarıb

Ukrayna Silahlı Qüvvələrinin 2S7 "Pion" özüyeriyən topları üçün 203 mm-lik mərmilərinin tükənmək üzrə olduğu bildirilir.

BAKU.WS xəbər verir ki, bu barədə Forbes nəşri yazıb.

Məqalədə qeyd edilir ki, 2022-ci ilin fevralında Ukrayna ordusunda təxminən 100 ədəd bu toplardan mövcud idi, lakin bir il sonra mərmi tədarükündə fasilələr yaranmağa başladı və nəticədə silahlar susdu.

Forbes-in məlumatına görə, "Pion" toplarının qeyri-müntəzəm istifadəsi mərmilərin tədarük mənbəyi ilə bağlıdır. Bildirilir ki, bu kalibrdə 203 mm-lik mərmiləri yalnız Rusiya istehsal edir və başqa heç bir ölkə bu tip sursat istehsal etmir.

Ehtimal olunur ki, ABŞ-də də 203 mm-lik mərmilər qalmayıb. 2023-cü ildə Vaşinqton Kiyevə bu kalibrdə 10 min ədəd mərmi göndərdikdən sonra onların ehtiyatı tükənib.