Əhaliyə XƏBƏRDARLIQ - Avqustun ən güclü...

Günəşdə avqust ayı üçün rekord sayılan güclü partlayış qeydə alınıb.

BAKU.WS xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası məlumat yayıb.

Mütəxəssislərin məlumatına görə, son 24 saat ərzində Günəşdə ikinci M sinifli partlayış baş verib. Hadisənin gücü M1.88 səviyyəsində qiymətləndirilib.

Alimlər bildiriblər ki, beynəlxalq kataloqlarda partlayışın böyük ehtimalla M1.8 kimi qeyd olunacağı gözlənilir. Buna səbəb göstəricinin ənənəvi olaraq aşağı həddə doğru yuvarlaqlaşdırılmasıdır.

Qeyd olunur ki, bu göstərici ümumi rekord olmasa da, yay aylarında Günəş aktivliyinin nisbətən zəif olduğu bir dövrdə baş verməsi ilə diqqət çəkir.