Çin İrana 200 min dollarlıq humanitar yardım göndərir

Çin İrana 200 min dollar dəyərində humanitar yardım göndərəcək.

BAKU.WS xəbər verir ki, bu barədə Çinin "Sinxua" xəbər agentliyi məlumat yayıb.

Bildirilib ki, Çin Qırmızı Xaç Komitəsi İran Qızıl Aypara Cəmiyyətinə 200 min dollarlıq humanitar yardım edəcək.

Çinin Xarici İşlər Nazirliyindən verilən məlumata əsasən, münaqişədə həlak olan şagirdlərin valideynlərinə başsağlığı vermək və yardım göstərmək üçün bu təcili humanitar yardım ayrılacaq.

Həmçinin nazirlik, İranda mülki şəxslərə və qeyri-hərbi hədəflərə qarşı olan bütün hücumları pisləyib.

Qeyd edilib ki, Pekin İrana əlavə zəruri yardım və dəstək göstərməyə yenə hazırdır.