Amerikalı məşhur falçı bu şəhərlərin YOX OLACAĞINI dedi

Amerikalı, falçı kimi tanınan Edqar Keysinin illər əvvəl verdiyi proqnozlar yenidən gündəmə gəlib. "Yatmış peyğəmbər" ləqəbi ilə tanınan Keysi ABŞ-nin bəzi iri şəhərlərinin gələcəkdə təbii fəlakətlər nəticəsində yox ola biləcəyini iddia edib.

BAKU.WS xəbər verir ki, falçı Yer kürəsinin maqnit qütblərinin dəyişəcəyini, bunun isə güclü zəlzələlər, vulkan püskürmələri və dağıdıcı sunamilərə səbəb olacağını bildirib. Onun proqnozlarında ən çox adı çəkilən şəhərlər New York City, Los Angeles, San Francisco və New Orleans olub.

Keysi xüsusilə ABŞ-nin qərb sahillərinin daha tez zərər görəcəyini iddia edib. O, Los Angeles və San Francisco şəhərlərinin New York Citydən əvvəl ciddi dağıntılarla üzləşəcəyini söyləyib.

Görücünün sözlərinə görə, mümkün fəlakətlərin əsas səbəbi vulkan aktivliyinin artması olacaq. O, xüsusilə Mount Vesuvius və Mount Pelée vulkanlarının fəallaşmasının qlobal dəyişikliklərə yol aça biləcəyini vurğulayıb.

Qeyd olunur ki, Hurricane Katrina zamanı New Orleans şəhərinin ciddi zərər görməsi Keysi tərəfdarları tərəfindən onun proqnozlarının gerçəkləşməsi kimi qiymətləndirilib.

Bununla yanaşı, mütəxəssislər bu cür iddiaların elmi əsasının olmadığını və daha çox mistik yanaşma kimi qəbul edildiyini bildirirlər.