93 yaşlı pensiyaçının evindən 9,6 milyon oğurladılar

Rusiyanın paytaxtı Moskva şəhərində 93 yaşlı yataq xəstəsi pensiyaçının evindən böyük məbləğdə nağd pul oğurlanıb.

BAKU.WS xəbər verir ki, bu barədə REN TV məlumat yayıb.

Məlumata görə, 67 yaşlı qadın polisə müraciət edərək bildirib ki, tanımadığı şəxslər anasının evindəki saxlanc yerindən 9,6 milyon rubl (158 min AZN) oğurlayıb. Pul kağız paketdə, anasının evindəki anbarın yuxarı rəfində gizlədilmişdi.

Bildirilir ki, pulun itməsi dövründə, 2023-cü ilin yanvarından dekabrına qədər pensiyaçının yanında dörd qulluqçu işləyib və bu gizli yeri yalnız 38 yaşlı nəvəsi bilib.

Hazırda hüquq-mühafizə orqanları hadisənin təfərrüatlarını araşdırır.