Ukraynanın Baş komandanı: "Rusiyanın 800 hərbçisini zərərsizləşdirmişik" - YENİLƏNİB
![Ukraynanın Baş komandanı: Rusiyanın 800 hərbçisini zərərsizləşdirmişik - YENİLƏNİB](https://baku.ws/storage/photos/thumbs/large/1645765953_xwa0hocjvvyzp7mgaieeuynjw6k4eaie2mrprm4n.webp)
Rusiya Ukraynadakı hərbi əməliyyatların ilk günündə 30-dan artıq tank, 130-a yaxın zirehli maşın, 7 hərbi təyyarə, 6 helikopter, 800 hərbçi itrib.
BAKU.WS report-a istinadən xəbər verir ki, bunu Ukrayna Silahlı Qüvvələrinin Baş komandanı Valeri Zalujnı feysbuk səhifəsində yazıb.
Onun sözlərinə görə, müharibənin birinci günü Rusiya 203 dəfə Ukraynaya hücum edib.
***09:15
Müharibənin birinci günündə Rusiya qoşunlarının itkisinin təxminən 400 nəfər olduğu bildirilir.
BAKU.WS xəbər verir ki, bu barədə Ukrayna Prezidenti Ofisi rəhbərinin müşaviri Aleksey Arestoviç məlumat verib.
Müşavir: "İlkin hesablamalara görə, 400 nəfərə yaxın rus hərbçisi öldürülüb. Birgə Qüvvələr Əməliyyatı zonasında Rusiyanın 7 təyyarəsi, bir neçə helikopteri vurulub. Onlarla hərbçi əsir götürülüb", - deyə Arestoviç vurğulayıb.
Həmçinin Ukrayna Prezidenti Volodimir Zelenski bildirib ki, Rusiyanın hücumu nəticəsində Ukraynanın 137 hərbçisi həlak olub. Onun sözlərinə görə, hərbi əməliyyatlar zamanı daha 316 hərbçi yaralanıb.
Oxşar xəbərlər
Zelenski: “Tək qalmışıq, NATO-da hamı bizə dəstək verməkdən qorxur”
“Bu gün başqa dövlətlərin rəhbərləri ilə nə qədər söhbət etmişəmsə də, bir neçə şey eşitmişəm. Birincisi, bizə dəstək verilir. Mən Ukraynaya xüsusi yardım edən...