Rubio "Calibri" şriftindən imtina etməyi tapşırdı

ABŞ-nin dövlət katibi Marko Rubio Dövlət Departamentinin rəsmi sənədlərində "Calibri" şriftinin istifadəsinin dayandırılması və "Times New Roman" şriftinə qayıdılması barədə göstəriş verib.

BAKU.WS Oxu.Az-a istinadən xəbər verir ki, nəşrin məlumatına görə, Rubio keçmiş prezident Co Baydenin administrasiyasının "Times New Roman" şriftinin istifadəsindən imtina etmək qərarını "gərəksiz mədəni müxtəliflik siyasəti aparmaq cəhdi" adlandırıb.

O bildirib ki, köhnə şriftə qayıtmaq departamentin yazılı sənədlərinə xoş görkəm və peşəkarlıq qaytaracaq. Rubio "Calibri" şriftini kifayət qədər rəsmi olmayan kimi xarakterizə edib ki, bu da nazirliyin rəsmi blanklarına mənfi təsir göstərib.