Naməlum şəxs süni intellekt vasitəsilə özünü ABŞ dövlət katibi kimi təqdim etdi

Naməlum şəxs özünü ABŞ dövlət katibi Marko Rubio kimi təqdim etmək üçün süni intellekt tərəfindən yaradılan səs və mətnlərdən istifadə edib.

BAKU.WS Oxu.Az-a istinadən xəbər verir ki, bu barədə ABŞ-nin yüksək rütbəli rəsmisinə istinadən "The Washington Post" (WP) məlumat yayıb.

Rubionun ofisinin Dövlət Departamentinin əməkdaşlarına göndərdiyi teleqramda qeyd olunur ki, cinayətkar məlumat və ya hesablara çıxış əldə etmək üçün nüfuzlu dövlət məmurlarını manipulyasiya etməyə çalışır.

Bildirilir ki, fırıldaqçı üç xarici işlər naziri, bir qubernator və Konqres üzvü ilə əlaqə saxlaya bilib.