Moskvada 20 dərəcə şaxta qeyd alınıb

Moskvada hava şəraiti kəskin soyuyub, paytaxtın bəzi bölgələrində şaxta 20 dərəcəni keçib.

BAKU.WS xəbər verir ki, "Phobos" hava mərkəzinin aparıcı mütəxəssisi Mixail Leusun verdiyi məlumata görə, dekabrın 19-na keçən gecə Yeni Moskva ərazisində termometrlər mənfi 20,4 dərəcə temperaturu göstərib.

Moskvanın bəzi ərazilərində tempratur mənfi 21,1 dərəcəyə qədər düşüb.

Moskva Meteorologiya Bürosunun baş mütəxəssisi Tatyana Pozdnyakova isə həftənin sonuna qədər havanın mülayimləşəcəyini və ərimə prosesinin başlayacağını proqnozlaşdırıb.