İnsanlar daha çox hansı yaşlarda ölür? - Riskli yaş qrupları

Rusiyanın səhiyyə naziri Mixail Muraşko sağlamlıq üçün vacib olan kritik yaş mərhələlərini açıqlayıb: 40-45, 60-65 və 80 yaş.

BAKU.WS xəbər verir ki, bu barədə "MoneyTimes" portalı məlumat yayıb.

Bildirilib ki, brinci mərhələdə (40-45 yaş) ürək-damar xəstəlikləri riski xüsusilə kişilərdə artır. Alkoqol qəbulu nəticəsində qaraciyərdə geri dönməz dəyişikliklər də mümkündür.

60-65 yaşlarında infarkt ehtimalı 75 faiz artır. Bu dövrdə immunitet sistemi zəifləyir ki, bu da xərçəng və şəkər xəstəliyinə tutulma riskini artırır. Muraşko bu yaşda xəstəliklərin yaranmasına səbəb olan əsas amillərdən biri olan piylənmə ilə mübarizənin vacibliyini vurğulayıb.

Növbəti mərhələdə, 80 yaşından başlayaraq, diqqət əzələ kütləsinin itirilməsi və psixi pozğunluqlarla əlaqəli problemlərə çevrilir. Materialda deyilir ki, insan hər dəfə bu və ya digər mərhələni keçdikdə, profilaktik tədbirlərin tətbiqi və xəstəliklərin erkən aşkarlanması getdikcə daha çox zəruri olur.