"Haber Global": Olaf Şolts seçki ərəfəsində Türkiyəyə yönəlik isti mesajlar verir

Almaniyada bu ay keçiriləcək növbədənkənar parlament seçkisində uğur qazanmaq istəyən siyasi qüvvələr türk kökənli almaniyalı seçiciləri öz tərəfinə çəkməyə çalışırlar.

Bu barədə "Haber Global" televiziyasında yayımlanan süjetdə qeyd olunur.

Müəllif vurğulayır ki, Almaniya kansleri Olaf Şoltsun son vaxtlar mütəmadi olaraq Türkiyə və Rəcəb Tayyib Ərdoğanla bağlı verdiyi isti siyasi mesajlar da məhz seçkidəki nəticələrlə birbaşa bağlıdır və sayı 1.3 milyon olan türk əsilli seçicini öz tərəfinə çəkməyə hesablanıb.