MTRŞ-dan ATV-dəki vulqar ifadəyə münasibət - VİDEO

Ötən gün ATV telekanalının efirində yayımlanan "Təhminə və Zaur" serialında yer alan biabırçı dialoq müzakirələrə səbəb olub. BAKU.WS-in məlumatına görə, filmdə Zaur rolunun ifaçısı Cövdət Şükürovla Sadiq rolunun ifaçısı və aktyor Elçin Muradovun arasında baş tutan dialoq zamanı vulqar ifadədən istifadə edilib. Biri o birinə "Düzələcək? Heç nə düzəlməyəcək. P*x olacaq hər şey" sözlərini deyib. Efirdə bu cür ifadələrin işlədilməsinin nə qədər uyğun olub-olmadığına münasibət öyrənmək üçün MTRŞ-nın Monitorinq şöbəsinin müdiri Təvəkkül Dadaşovla əlaqə saxladıq. Şöbə müdiri BAKU.WS-ə açıqlamasında bildirdi ki, hələ məsələdən xəbərsizdir: "Axşam saatlarında efirə gedən veriliş və serialların monitorinqi növbəti gün keçirilir. Əgər ehtiyac yaranarsa bu məsələyə bazar ertəsi günü münasibət bildirəcəyik". Hüseyn MəmmədsalahovBAKU.WS