Bir şagirdin məktəbə getməsi neçəyə başa gəlir? – REPORTAJ - VİDEO

Yeni dərs ili ilə əlaqədar Bakı Şəhər İcra Hakimiyyətinin (BŞİH) təşkil etdiyi məktəbli ləvazimatlarının topdan və pərakəndə satış yarmarkaları fəaliyyətə başlayıb.BAKU.WS xəbər verir ki, yarmarkalar əsasən insanların sıx toplaşdığı ərazilərdə, metro çıxışlarının qarşısında təşkil edilib.

Qeyd edək ki, “28 May”, “Memar Əcəmi”,“İnşaatçılar”, “Nərimanov”, “Gənclik” və digər metro stansiyalarına yaxın ərazilərdə yarmarka çadırları fəaliyyət göstərir. BAKU.WS olaraq bir neçə yarmarkaya baş çəkdik. Çəkiliş apardığımız müddətdə yarmarkaya böyük maraq olduğunu gördük.

Yarmarkalardakı satış, məktəbli ləvazimatları və dərsliklərin qiymətləri ilə maraqlanaraq, məktəbli səbətinin dəyərini müəyyənləşdirməyə çalışdıq.

Yarmarkada şagird üçün lazım olan lavazımatların qiymətini təqdim edirik: Sadə karandaş – 0,15 AZN Məktəbli çantası – 8 manatdan 50 manata qədər Qələm – 0,15 Azn – 1 AZN Pozan – 0,10 AZN 12 vərəq dəftər – 0,15 AZN 40 vərəq dəftər – 0,30 AZN 100 vərəq dəftər – 0,80 AZN Rəngli karandaş – 1 – 5 AZN Qələm yonan – 0,20 AZN Xətkeş – 0,30 AZN – 5 AZN Yapışdırıcı - 0,6 - 1 AZN Sirkul - 1,5 – 5 AZN Qayçı – 1 – 2 AZN Papka – 0,40 – 1 AZN Penal – 1,30 – 10 AZN Plastilin - 1 - 10 AZN Albom – 0,50 – 3 AZN Gündlik – 1,50 – 4 AZN Su qabı – 4 – 6 AZN Yazı lövhəsi - 20 - 100 AZN

Bundan başqa, yarmarkalarda kitab və metodiki vəsaitlər də satılır.

I siniflər üçün riyaziyyatdan 3000 misal kitabı 1,60 manat. “Azərbaycan dili” - 5 manat. “Azərbaycan dili” iş dəftəri - 5 manat “Azərbaycan dili” yazı dəftəri 4 manat. “Riyaziyyat” iş dəftəri 4,50 manat. “Ana dili“” qiymətləndirmə 3 manat. “Uçmaza” riyaziyyat 2 manat. Məktəbəqədər hazırlıq üçün əlifba 4 manat. “Azbuka” 2 manat təşkil edir.

Qeyd edək ki, yarmarkalarda məktəbli formaları satılmır. Valideynlər bazarda Türkiyədən və Çindən gətirilən məktəbli geyimləri ilə yanaşı, Bakı Tikiş Evinin (BTE) istehsal etdiyiı məktəbli formalarını ala bilərlər. Bakı Tikiş Evinin (BTE) satış şöbəsinin rəisi Etibar Əzimov bildirib ki, I-VI siniflər üçün nəzərdə tutulan 26-44 ölçülü məktəbli formalarının qiyməti 40 manat, yuxarı ölçülər isə 46 manat təşkil edir. Bakı Tikiş Evində məktəbli köynəkləri də tikilir. 26-54 ölçülü bütün köynəklərin qiyməti 8 manatdır. Məktəblilər üçün nəzərdə tutulan jiletlər də ölçüsündən asılı olmayaraq 8 manata satılır. Geyimlərin keyfiyyətinə ən azı bir il zəmanət verilir. Bəs övladı məktəbə gedən valideynlər üçün nə qədər xərc lazımdır. Bunun üçün ən ucuz mətkəbli lavazımatları ilə birlikdə hesablama aparaq. Həmin hesablamanı cədvəl şəklində təqdim edirik:

MALIN ADI	MALIN QİYMƏTİ	ƏLAVƏ XƏRCLƏR
Sadə qələm	0,15 AZN	10 ədəd – 1,5 AZN
Məktəbli çantası	8 AZN	1 ədəd – 8 AZN
Qələm	0,15 AZN	10 ədəd – 1,5 AZN
Pozan	0,10 AZN	2 ədəd – 0,20 AZN
12 vərəq dəftər	0,15 AZN	20 ədəd - 3 AZN
40 vərəq dəftər	0,30 AZN	10 ədəd – 3 AZN
100 vərəq dəftər	0,80 AZN	5 ədəd – 4 AZN
Rəngli qələm	1 AZN	2 qutu – 2 AZN
Qələm yonan	0,20 AZN	2 ədəd – 0,40 AZN
Xətkeş	0,30 AZN	2 ədəd - 0,60 AZN
Yapışqan	0,60 AZN	2 ədad – 1,20 AZN
Gündəlik	1,50 AZN	1 ədad - 1,50 AZN
Penal	1,30 AZN	1 ədad – 1,30 AZN
Plastilin	1 AZN	2 qutu – 2 AZN
Albom	0,50 AZN	2 ədad – 1 AZN
Su qabı	4 AZN	1 ədad – 4 AZN
Məktəbli forması	46 AZN	1 ədad - 46 AZN
Məktəbli jileti	8 AZN	1 ədad – 8 AZN
Məktəbli köynəyi	8 AZN	1 ədəd – 8 AZN
Cəmi xərclər		97,20 AZN

Cədvəldən də göründüyü kimi ibtidai sinifə gedən 1 şagird üçün azı 97 manat pul lazımdır. Ziya SƏCCADBAKU.WS