055 213 76 73
Ehtimal ki, İranda prezidentliyə namizəd olan Məsud Pezeşkian prezident olacaq.
Bu fikirləri jurnalist Turan İbrahimov "Baku tv"nin efirində səsləndirib.
Onun sözlərinə görə, Pezeşkianın seçkiyə buraxılması, türk olmasının dəfərlərlə vurğulanması İran İslam Respublikasının Ali Rəhbəri Ayətullah Seyid Əli Xameneyinin və üzdə olmayan əsas fiqurların verdiyi qərardır.
"Bölgədə geosiyasi vəziyyət dəyişib. Azərbaycanın 44 günlük Vətən müharibəsində qələbəsindən sonra fərqli bir prosesin içindəyik.
Xüsusilə, bölgədə türk faktorunun ön plana çıxması, Türk Dövlətləri Təşkilatının getdikcə daha da ciddi təşkilata çevrilməsi, müxtəlif spektrlərdə birləşməsi İranda da türkçülük ideyalarının, tərəfdarlarının səsinin yüksəlməsinə gətirib çıxarıb.
İranda rejimi saxlamaq istəyənlər də bilirlər ki, türk faktorunun yüksəlməsi onlar üçün təhlükədir. Ona görə də bir türkün İranın prezidenti olmasına imkan vermək qərarına gəliblər", - o qeyd edib.
T.İbrahimov vurğulayıb ki, Pezeşkian prezident seçilmərək İranda yüksələn türkçülük əhval-ruhiyyəsi və onun İran üçün təhlükələrini minimuma endirməyə çalışacaq.