UEFA Çempionlar Liqası: Bu gün 2024/2025 mövsümünün qalibi müəyyənləşəcək

Bu gün UEFA Çempionlar Liqasında 2024/2025 mövsümünün final qarşılaşması baş tutacaq.

BAKU.WS xəbər verir ki, liderlik yarışında Fransanın PSJ və İtaliyanın "İnter" komandaları üz-üzə gələcək.

Almaniyanın Münxen şəhərində, "Alyans Arena" stadionunda keçiriləcək qarşılaşma Bakı vaxtı ilə saat 23:00-da start götürəcək.

Qarşılaşmanı macar əsilli rumıniyalı FIFA hakimi İştvan Kovaç idarə edəcək.

Matç öncəsi PSJ heyətində heç bir itki yoxdur. "İnter"də isə iki əsas futbolçu - Xoakin Korrea və Valentin Karbonini zədə səbəbilə mühüm oyunda meydançada olmayacaq.