"Sumqayıt" klubu ilk transferini açıqlayıb

Yeni mövsüm üçün heyət çalışmalarına start verən "Sumqayıt" FK ilk futbolçu keçidini reallaşdırıb.

BAKU.WS xəbər verir ki, bu barədə klubun Mətbuat Xidməti məlumat yayıb.

Bildirilib ki, komanda portuqaliyalı oyunçu Pedro Pinto ilə 1+1 illik müqavilə imzalayıb. 30 yaşlı müdafiəçi "Sumqayıt" FK-nın heyətində "14" nömrəli formada çıxış edəcək.

Qeyd edək ki, son klubu Anqolanın "Petro Luanda" olan Pedro Pinto karyerası ərzində Portuqaliyanın "Vitoria Setubal", "Arouka" kimi klublarının da şərəfini qoruyub.