Paris-2024: Azərbaycanın daha bir güləşçisi bürünc medal uğrunda mübarizə aparacaq - YENİLƏNİB - 2

Azərbaycanın yunan-Roma güləşçisi Sənan Süleymanov Fransanın paytaxtı Parisdə keçirilən Yay Olimpiya Oyunlarında yarımfinal görüşünə çıxıb.

"Report"un turnirə ezam olunmuş əməkdaşının məlumatına görə, 77 kq çəki dərəcəsində mübarizə aparan idmançı qazaxıstanlı Demeu Jadrayevlə üz-üzə gəlib.

Rəqibinə 1:6 hesabı ilə məğlub olan Süleymanov üçüncü yer uğrunda görüşdə qüvvəsini sınayacaq.

Qeyd edək ki, ötən gün digər güləşçimiz Sabah Şəriəti (130 kq) yarımfinalda uduzaraq bürünc medal uğrunda görüşdə iştirak etmək hüququ qazanıb.

Paris-2024 avqustun 11-də başa çatacaq.

***15:22

Azərbaycanın yunan-Roma güləşçisi Sənan Süleymanov Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.

BAKU.WS report-a istinadən xəbər verir ki, 77 kq çəki dərəcəsində yarışan idmançı 1/4 finalda Macarıstan təmsilçisi Zoltan Levayla üz-üzə gəlib.

İdmançımız bu görüşdə sonuncu xal prinsipi (1:1) ilə qalib gəlib.

Qeyd edək ki, idmançı 1/8 finalda Bolqarıstan təmsilçisi Ayk Mknatsyan üzərində qələbə qazanmışdı.

*** 14:24

Fransanın paytaxtı Parisdə keçirilən Yay Olimpiya Oyunlarında Yunan-Roma güləşçilərinin yarışında Sənan Süleymanov Bolqarıstanı təmsil edən Ayk Mnatsakanyanla qarşılaşıb.

BAKU.WS xəbər verir ki, 77 kq çəki dərəcəsində qüvvəsini sınayan S.Süleymanov 1/8 finalda rəqibinə qalib gələrək növbəti mərhələyə adını yazdırıb.

Qalereya