Əfsanəvi Lionel Messi və komanda yoldaşları Bakıda fanatları ilə görüşüblər

Dekabrın 11-də futbol əfsanəsi Lionel Messi və dünya ulduzları Luis Suares, Serxio Buskets və Xordi Alba Bakı Kristal Zalında fanatları ilə görüşüblər.

BAKU.WS xəbər verir ki, tədbirə Bakının uşaq evlərinin sakinləri, sağlamlıq imkanları məhdud uşaqlar və şəhidlərimizin övladları da dəvət olunublar.

Qeyd edək ki, tədbirdə bilet satışından əldə olunan vəsait isə xeyriyyə məqsədinə yönəldiləcək.

*** 13:53

Bakıda səfərdə olan futbol əfsanəsi Lionel Messi və dünya ulduzları Luis Suares, Serxio Buskets və Xordi Alba fanatları ilə görüşmək üçün Bakı Kristal Zalına gələcəklər.

Hazırda futbol əfsanələrinin fanatları zala gəlməkdədirlər.

Onlar Messi və digər futbol ulduzlarını görmək üçün səbirsizlənirlər.

Fanatlardan bir çoxu fikirlərini Baku TV ilə bölüşüb.

Onlardan biri bildirib ki, uşaqlıqdan Messini izləyir, digəri vurğulayıb ki, 10 ildir ki, argentinalı futbolçunun fanatıdır:

"Əfsanəvi futbolçunu həmişə görmək istəyirdim. Böyüyəndə "Barselona" akademiyasına daxil olmaq istəyirəm".

Digər bir azarkeş isə qeyd edib ki, Messini görmək üçün Türkiyədən gəlib.