Joao Feliks "Milan"a keçdi

"Çelsi"sinin hücumçusu Joao Feliks karyerasını "Milan"da davam etdirəcək.

BAKU.WS xəbər verir ki, portuqaliyalı İtaliya A Seriyasının rəsmi saytında "Milan"ın heyətində yer alıb.

Qeyd edək ki, portuqaliyalı futbolçu cari mövsümün sonuna kimi "Milan"da icarə əsasında çıxış edəcək.

Bu mövsüm Feliks bütün turnirlərdə 20 oyun keçirib, 7 qol vurub və iki məhsuldar ötürmə edib.

Portuqaliyalı futbolçunun "Çelsi" ilə hazırkı müqaviləsi 2030-cu ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 30 milyon avrodur.