“Beşiktaş” 10 futbolçusu ilə yollarını ayırır

Türkiyə superliqasında uğurlu sezon keçirməyən “Beşiktaş” klubu mövsüm sonu 10 futbolçusu ilə yollarını ayıracaq.

BAKU.WS xəbər verir ki, bu barədə Milliyet məlumat yayıb.

Bildirilib ki, klubun baş məşqçisi Şenol Güneş rəhbərliyə həmin oyunçuları heyətdə görmək istəmədiyini bildirib.

Bunlar Romen Saiss, Ersin Destanoğlu, Dele Alli, Kevin N Kudu, Valentin Rozye, Cekson Muleka, Atiba Hatçinson, Neytan Redmond, Velinton və Kerem Atakan Kesgindir.

Həmçinin buna görə mövsüm sonunda komandanın təxminən 25 milyon Avroluq maaş büdcəsi də böyük ölçüdə azalacaq.