Avropa çempionatı: Azərbaycanın üç yunan-Roma güləşçisi gümüş medal qazanıb

Azərbaycanın yunan-Roma güləşçisi Sabah Şəriəti Xorvatiyanın paytaxtı Zaqrebdə keçirilən Avropa çempionatında final görüşünə çıxıb.

130 kq çəki dərəcəsində çıxış edən idmançı Rza Kayaalpla (Türkiyə) üz-üzə gəlib.

Rəqibinə məğlub olan Şəriəti gümüş medalla kifayətlənib.

87 kq-dakı İslam Abbasov isə bürünc medal qarşılaşmasında Laşa Qobadzeyə uduzaraq (Gürcüstan) beşinci yeri tutub.

Qeyd edək ki, Azərbaycanın yunan-Roma güləşçisi Taleh Məmmədov Xorvatiyanın paytaxtı Zaqrebdə keçirilən Avropa çempionatında final görüşünə çıxıb.

63 kq çəki dərəcəsində çıxış edən idmançı Leri Abuladze ilə (Gürcüstan) üz-üzə gəlib.

Rəqibinə məğlub olan Məmmədov yarışın gümüş medalına sahib çıxıb.

55 kq-dakı ikiqat qitə çempionu Eldəniz Əzizli eyni raundda Adem Uzuna (Türkiyə) uduzaraq gümüş medalla kifayətlənib.

Bu gün, həmçinin, 130 kq-dakı Sabah Şəriəti finalda Rza Kayaalpla (Türkiyə) qarşılaşacaq. 87 kq-dakı İslam Abbasov isə Laşa Qobadzeylə (Gürcüstan) bürünc medal uğrunda güləşəcək.