055 213 76 73
2024-cü ildə keçiriləcək Amerika Kuboku futbol turnirinin oyunlarında çəhrayı kart tətbiq ediləcək.
Bu barədə AS məlumat verib.
Hakimlər bu kartı başından zədə alan və təcili dəyişdirilməsi lazım olan oyunçulara göstərəcəklər. Belə bir dəyişiklik hər oyun üçün bir dəfə mümkün olacaq və oyun ərzində icazə verilən beş dəyişiklikdən əlavə olaraq həyata keçiriləcək.
Mart ayında futbolda mavi kartın tətbiq olunacağı barədə məlumat verilmişdi. Bu kartın daha aydın olan qəsdən edilən faullar üçün göstərilməsi planlaşdırılır. Mavi kart alan oyunçu on dəqiqəlik meydandan kənarlaşdırılacaq. Daha sonra FIFA qaydalarda dəyişikliklərlə bağlı söhbətlərin vaxtsız olduğunu bildirib.
Amerika Kuboku-2024 20 iyun - 14 iyul tarixlərində ABŞ-də keçiriləcək. Mövcud çempion Argentina millisidir.