Şəhid anası və keçmiş icra başçısı Bakı–Ağdam QATARINDA

32 ildən sonra Bakı–Ağdam–Bakı marşrutu üzrə qatarın hərəkətə başlaması sərnişinlər üçün unudulmaz hadisəyə çevrilib. Qatarla ilk səfərdə iştirak edən sərnişinlər arasında şəhid anası və Ordubadın keçmiş icra başçısı da olub.
BAKU.WS-ə öz təəssüratlarını danışıblar.
Şəhid anası Fatma Məmmədova bildirdi ki, axırıncı dəfə 1993-cü ildə Ağdamdan çıxıb:

"Onda Ağdamı bir günə qoymuşdular ki, tanımaq olmurdu. 32 ildən sonra ilk dəfədir ki, Ağdama qatarla gedirəm. Hisslərim çox qəribədir. Həm sevinirəm ki, Ağdam özümə qayıdıb, həm də Ağdamın əvvəlki halından əsər-əlamət qalmayıb. Özüm şəhid anasıyam, Ağdama qayıdıb burda yaşamağı çox istəyirəm. Dövlətimi həmin yerlərdə yenidənqurma-bərpa işləri aparır".
Ordubadın keçmiş icra başçısı Mehrac Əliyev isə Ağdamın azad olunmasının başda prezidentimizin dəmir yumruğu sayəsində olduğunu qeyd etdi:

"Biz ermənilərin Qarabağda törətdiyi bütün cinayətlərin şahidi olmuşuq. Müharibə dövründə əsgərlərimiz üçün 5 ədəd yorğan-döşək göndərdim. Onların içində yazıb qoymuşdum ki, hansınız müharibədən sağ qayıtsanız, toyunu mən edəcəm. Keçən il Tərtərdə, bu il də Şəmkirdə onların toyunu öz hesabıma etdim. Bu gün 32 ildən sonra qatarın yenidən Ağdama getməsi məni çox duyğulandırdı. Və bununla fəxr hissi keçirirəm".
Şahanə Xankişiyeva
Oxşar xəbərlər
Naxçıvan-Bakı avtobus reyslərinin sayı 6-ya çatdırılıb
Naxçıvan-Bakı marşrutu üzrə avtobus reyslərinin sayı artırılıb BAKU.WS report-a istinadən xəbər verir ki, Naxçıvan Muxtar Respublikası Rəqəmsal İnkişaf və Nəqli...
