Saat 10:00-dan Bakının bu ərazilərində QAZ KƏSİLİB

Tbilisi prospekti ölçü qovşağının girişində yaranmış sızmanın ləğv edilməsi məqsədilə 24.11.2025-ci il saat 10:00-dan etibarən qaz təchizatı dayandırılacaq.

BAKU.WS xəbər verir ki, bu barədə "Azəriqaz" İstehsalat Birliyi məlumat yayıb.

Bildirilib ki, təmir-bərpa işləri aparılan müddətdə 6-cı, 7-ci və 9-cu mikrorayonların, "Motodrom", "Varovski" və "Xutor" yaşayış massivlərinin, M.Ə.Rəsulzadə qəsəbəsinin bir hissəsinin, Biləcəri qəsəbəsinin bir hissəsinin, Y.Hüseynov, X.Natavan, Q.Süleymanov, T.Şevçenko, L.Tolstoy, Ə.Qasımov, R.İsmayılov küçələrinin qaz təchizatında müvəqqəti fasilə yaranacaq.