Rasim Balayevdən danışan həmkarı: "Biz Babəkimizi itirdik"

"Allah ona rəhmət etsin. Dünəndən özümə gələ bilmirəm".

Bu sözləri BAKU.WS-ə açıqlamasında Xalq artisti Rasim Balayevin vida mərasimində iştirak edən həmkarı, Xalq artisti Fatma Mahmudova bildirib.

O qeyd edib ki, Rasim Balayevin vəfatı ilə Azərbaycan xalqı Nəsimi kimi şairi də itirmiş oldu. Bundan sonra Nəsimi obrazı yaddaşlarda sadəcə bir xatirəyə çevrildi:

"Ağır xəstəyəm. Amma evdə dözə bilmədim. Dedim gəlim onunla vidalaşım. Biz Babəkimizi itirdik. Nəsimi o vaxt yox, indi öldü".

Qeyd edək ki, Azərbaycan Kinematoqrafçılar İttifaqının sədri Rasim Balayev ötən gün vəfat edib.

O Türkiyənin İstanbul şəhərindəki "Memorial" xəstəxanasında dünyasını dəyişib. O ağciyər xərçəngi və şəkər xəstəliyindən əziyyət çəkirdi.

Zöhrə Pənahi