Operativ Qərargah üzvündən əhaliyə XƏBƏRDARLIQ

"Koronavirus xəstələrinə ilk günlər antibiotik təyini xəstənin sağalmasına mane olur".

BAKU.WS xəbər verir ki, bu sözləri "Xəbər Ertəsi"nə Nazirlər Kabineti yanında Operativ Qərargahın üzvü, Milli Məclisin Səhiyyə komitəsinin sədr müavini Rəşad Mahmudov bildirib.

Onun sözlərinə görə, virus fazasında bu dərmanlar əks göstərişdir: "Yəni reanimasiyada istifadə olunan bu dərmanlar yalnız immune fazanın son mərhələsində ağır xəstələri xilas üçün tətbiq edilir. Bu dərmanları ilk gündən istifadə etmək ciddi həyati təhlükə yaradır".

R.Mahmudov əlavə edib ki, bütün bunlar reanimasiyalarda ağır xəstələrin artmasına da gətirib çıxarır: "Bunun ölkə və ailə üçün maddi yükünü, psixoloji təsirlərini nəzərə alaraq bu məsələyə laqeyd yanaşa bilmərik".