"İlk dəfə olaraq qatar daxili platformaya, qapalı platformaya daxil olur" - Emin Hüseynov

"Ağdam Avtovağzal və Dəmir Yolu Vağzalının digər özəlliyi ondan ibarətdir ki, ölkədə ilk dəfə olaraq qatar daxili platformaya daxil olur"

BAKU.WS verir ki, bunu Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Prezidentin xüsusi nümayəndəsi Emin Hüseynov jurnalistlərə açıqlamasında bildirib.

O bildirib ki, bu gün Bakı-Ağdam qatarı ilk dəfə fəaliyyətə başlayıb:

"Bu ilk qatarın fəaliyyətə başlaması həm də azad edilmiş ərazilərə böyük qayıdışın çox vacib bir simvoldur".

"Ağdam Avtovağzal və Dəmir Yolu Vağzalının digər özəlliyi ondan ibarətdir ki, ölkədə ilk dəfə olaraq qatar daxili platformaya, qapalı platformaya daxil olur. Burada qapalı peron var və bu da hava şəraitindən asılı olmayaraq sərnişinlərin istənilən vaxtı vağzalda qəbul olmasına şərait yaradacaq. Artıq Ağdamdan azad edilmiş digər ərazilərə avtobus reyslərinin açılması ilə bağlı Rəqəmsal İnkişaf və Nəqliyyət Nazirliyi tərəfindən müavfiq işlər aparılır", - deyə E. Hüseynov qeyd edib.

Şahanə Xankişiyeva