"Facebook" istifadəçiləri giriş problemi ilə üzləşib

"Facebook" platformasının fəaliyyətində texniki nasazlıq müşahidə olunub.

BAKU.WS xəbər verir ki, qlobal miqyasda genişmiqyaslı çökmə qeydə alınmasa da, bir sıra istifadəçilər hesablarına daxil olmaq istəyərkən giriş problemi ilə qarşılaşıblar.

Bildirilir ki, sistem bəzi hallarda yönləndirmə xətası verərək istifadəçilərin hesaba girişinə imkan verməyib.

Nasazlıq zamanı ekranda hesabın müvəqqəti olaraq əlçatmaz olduğu və problemin aradan qaldırılması üçün bir qədər sonra yenidən cəhd edilməsinin tövsiyə olunduğu barədə bildiriş göstərilib.