Bu maşınlar niyə radara düşmür? - DYP-dən açıqlama - VİDEO

Dövlət nömrə nişanı xarici olan avtomobillər Azərbaycanda radara düşmür.

Həmin sürücü haqqında dövlət yol polisinin bazasında məlumat olmadığindan, qayda pozan həmin sürücülər barəsində elektron protokol tərtib etmək mümkün deyil. Xarici qeydiyyatlı avtomobillər Azərbaycanda radara düşmür. Söhbət ''MMX'' kimi tanınan elektron protokoldan gedir ki, həmin radarlar dövlət nömrə nişanı xarici olan avtomobillərin qayda pozuntusunu qeydə ala bilmir.

Amma bu o demək deyil ki, qonşu ölkələr, yəni Rusiya, Türkiyə, Gürcüstan və ya İran dövlətinə məxsus avtomobillə Azərbaycan ərazisində hansısa qaydanı pozan sürücüyə cərimə tətbiq edilmir. Baş Dövlət Yol Polis İdarəsinin şöbə rəisi Kamran Əliyevin sözlərinə görə belə sürücü əməkdaşlarımız tərəfindən aşkar edilirsə dərhal cərimələnirlər. Sözügedən problemin yaxın gələcəkdə həll olunmasına gəlincə isə şöbə rəisi Kamran Əliyev bildirdi ki, bu problem avropa ölkələrində də mövcuddur. Yəni sürücü haqqında dövlət yol polisində baza yoxdursa onun barəsində elektron pratakol tərtib etmək mümkün deyil.

Azər Məmmədov 

BAKU.WS