Bakı metrosunda son vəziyyət - VİDEO

Bakı Metropolitenində koronavirusla bağlı profilaktik tədbirlər davam etdirilir.

BAKU.WS AzTV-yə istinadla xəbər verir ki, bu çərçivədə stansiyalar və qatarlar hər həftə genişmiqyaslı dezinfeksiya olunur.

İndiyə qədər profilaktik tədbirlər ay ərzində 2 dəfə aparılırdı. Koronavirus təhlükəsinə qarşı görülən işlər çərçivəsində dezinfeksiya tədbirləri daha da intensivləşdirilib.

Qatarların və stansiyaların hər həftə geniş miqyaslı dezinfeksiya edilməsi ilə yanaşı, gün ərzində 3 dəfə stansiyalarda əllə təmas olunan yerlər xüsusi maddələrlə təmizlənir.

Bundan başqa, depolara daxil olan qatarlar da sanitar-gigiyenik qaydalara uyğun dezinfeksiya edilir.