Azərbaycanda sabahdan qadınların pensiya yaşı ARTIRILIR

Sabahdan Azərbaycanda qadınların pensiyaya çıxma yaşı 64 il 6 ay olacaq.

BAKU.WS xəbər verir ki, 30 iyun 2026-ci il tarixinə qədər pensiya yaşı kişilər üzrə 65 il, qadınlar üzrə 64 il 6 ay müəyyən edilir.

Xatırladaq ki, "Əmək pensiyaları haqqında" Qanunun 7-ci maddəsinə əsasən, kişilərin pensiya yaş həddi 2017-ci il iyulun 1-dən başlayaraq 2021-ci il iyulun 1-dək, qadınların yaş həddi 2017-ci il iyulun 1-dən başlayaraq 2027-ci il iyulun 1-dək hər il 6 ay artırılır.

Qeyd edək ki, qadınların pensiya yaşı sonuncu dəfə ötən il - 2024-cü ilin iyul ayının 1-dən 6 ay artırılaraq 64 edilib.