Azərbaycanda koronavirusa gündəlik yoluxma sayı azaldı

Azərbaycanda bu gün koronavirus infeksiyasına 2 685 yeni yoluxma faktı qeydə alınıb, 6 558 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan BAKU.WS-ə verilən məlumata görə, son sutkada 24 nəfər COVID-19-dan dünyasını dəyişib.

İndiyədək ölkədə ümumilikdə 774 394 nəfərin koronavirus infeksiyasına yoluxması faktı müəyyən edilib, onlardan 734 386 müalicə olunaraq sağalıb, 9 235 nəfər vəfat edib. 30 773 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 11 629, bu günə qədər isə ümumilikdə 6 485 357 test icra olunub.