Avtomobilini bu işıqlarla bəzəyənlərin NƏZƏRİNƏ! - VİDEO

Son vaxtlar sürücülər arasında öz avtomobilini ''Led'' işıqlarla bəzəmək dəb halını alıb. Xüsusən də gənc sürücülərin daha çox üstünlük verdiyi ''Led'' lampalar ''ksenon'' kimi gecə vaxtı ətrafı ağ rəngə boyayır. Bəs görəsən, ksenon lampalarla müqayisədə ucuz olan bu lampaların avtomobilə quraşdırılması qanuna uyğundurmu?

BAKU.WS-in məlumatına görə, ustalar Xəzər TV-yə deyir ki, bu cür lampaları alarkən onun voltuna diqqət etmək lazımdır. Yəni maşının üstündəki lapmanın voltundan artıq qoymaq istənilən halda avtomobil üçün təhlükədir. Alıcıların əksəriyyəti isə bu cür ağ vuran işıqların gecə vaxtı yaxşı görsəndiyi üçün aldıqlarını deyirlər. Bəs bu lampanın qanunla istifadəsinə necə icazə varmı?. Bakı şəhər Dövlət Yol Polis İdarəsinin bölmə rəisi Vaqif Əsədov deyir ki, "Yol hərəkəti haqqında" qanunun 1 saylı əlavəsinin 3-cü bəndinə görə, xarici işıq cihazlarının miqdarı, tipi, rəngi, yerləşməsi və iş rejimi nəqliyyat vasitəsi konstruksiyasının tələblərinə uyğun olmalıdır. Həmçinin, qanun ön fənərlərin ağ, sarı, narıncı rənglərdən başqa digər rəngdə olmasını qadağan edir. İşıqqaytarıcılar isə mütləq ağ rəngdə olmalıdır. Arxa fənərlərdə isə geriyə hərəkət fənəri yalnız ağ, qeydiyyat nişanı işığı yalnız ağ, arxa "stop"lar yalnız qırmızı, dönmə və duman fənərləri narıncı və sarı rəngdə olmalıdır. Bölmə rəisi bildirdi ki, əgər sadalanan bu tələbləri hansısa sürücü pozarsa o, inzibati xətalar məcəlləsinin müvafiq maddəsi ilə 150 manat məbləğində cərimə ediləcək. Satıcıların sözündən belə çıxır ki, bu lampalar qarşıdan gələn nəqliyyat vasitələrinin sürücülərinin görməsinə də mənfi təsir yaratmır. amma istənilən halda bu tip lapmpalarla bağlı sastıcıların dediyi əsas kimi götürülə bilməz. həmin lampaların texniki göstəriciləri baş dövlət yol polisi idarəsinin texniki baxış şöbəsində yoxlanılmalı və müvafiq rəy verilməlidir. BAKU.WS