Aqil Abbas: Niyə xəstəxanalarda rüşvət baş alıb gedir? - VİDEO

"Bu zərdab nədir ki, belə yoxdur? Uşaq ölümləri niyə artır? Niyə xəstəxanalarda rüşvət baş alıb gedir?"BAKU.WS xəbər verir ki, bu sözləri deputat Aqil Abbas İTV-də yayımlanan 3D proqramında bildirib. O, verilişin aparıcısı Dadaş Dadaşlinskinin suallarını cavablandıran həmçinin deyib ki, Səhiyyə Nazirliyi artıq siyasi təşkilat olub: "Oxudum ki, Tovuzda bir nəfəri ilan sancıb. Zərdab tapılmadığı üçün onu Gəncəyə, ardınca isə Mingəçevirə, sonda isə Bakıya gətirəndə ölüb. Rayonlarda ən müasir tipli xəstəxanalar tikilib və Avropa xəstəxanalarından geri qalmırlar. Bu szərdab nədir ki, belə yoxdur? Uşaq ölümləri niyə artır? Niyə xəstəxanalarda rüşvət baş alıb gedir?"