72 gün metrosuz qalan Bakıda rekord vuruldu

Bakıda metronun fəaliyyət göstərmədiyi 72 gün ərzində müntəzəm və ekspres xətlər üzrə ümumilikdə 72. 500. 000-dən artıq sərnişin səfər sayı qeydə alınıb.

BAKU.WS xəbər verir ki, bu barədə məlumat Bakı Nəqliyyat Agentliyindən verilib. Yalnız ekspres xətlər üzrə 3 946 209 səfər sayı qeydə alınıb. Rekord daşıma isə 11 sentyabr tarixində qeydə alınıb - 2 081 661 sərnişin. Xəttə gündəlik 2 260 avtobus çıxarılıb. Bundan başqa daşımaların təşkilində BNA-nın 150-dən artıq əməkdaşı cəlb edilib. "Sərnişinlərimizin ciddi xəsarət alması ilə nəticələnən hər hansı bir yol nəqliyyat hadisəsi qeydə alınmayıb".