Ədliyyə Nazirliyinin Ədliyyə Akademiyası bir sıra vəzifələr üzrə qəbul elan edib.

BAKU.WS xəbər verir ki, akademiyada Konstitusiya və inzibati hüquq kafedrasında baş müəllim və müəllim, Cinayət və cəza – icra hüququ və kriminalogiya kafedrasında müəllim, Mülki hüquq və mülki proses kafedrasında müəllim, Ədliyyə sahəsində idarəetmə kafedrasında baş müəllim və müəllim vəzifələri üzrə vakansiya elan edilib.

Təqdim olunan vakansiyalar:

Müsabiqədə iştirak etmək üçün sənədlər bir ay müddətində qəbul edilir.

Müsabiqədə iştirak etmək istəyənlər aşağıdakı sənədləri təqdim etməlidirlər:

  • 1. Rektorun adına ərizə;
  • 2. Kadrlar uçotunun şəxsi vərəqəsi;
  • 3. Tərcümeyi-hal;
  • 4. Ali təhsil haqqında diplomun notariat qaydasında təsdiq olunmuş surəti (xarici dövlətlərin ali təhsil sahəsində ixtisasları Azərbaycan Respublikasında tanınmaqla və ekvivalentliyi müəyyən edilməklə (nostrifikasiya olunmaqla);
  • 5. Elmi ad və dərəcə haqqında sənədlərin surəti;
  • 6. Dərc olunmuş elmi əsərlərin, kəşf və ixtiraların təsdiq edilmiş siyahısı;
  • 7. Şəxsiyyət vəsiqəsinin notariat qaydasında təsdiq olunmuş surəti;
  • 8. Əmək kitabçasının notariat qaydasında təsdiq olunmuş surəti;
  • 9. Sağlamlıq və ailə tərkibi haqqında arayış;
  • 10. 4*6 sm ölçüdə 4 ədəd, 3*4 sm ölçüdə 2 ədəd rəngli fotoşəkil;
  • 11. İş yerindən xasiyyətnamə.

Müsabiqədə iştirak etmək istəyənlər həmin sənədləri mövcud əsasnaməyə müvafiq olaraq rektorun adına yazılmış ərizə ilə birlikdə aşağıdakı ünvana təqdim etməlidirlər:

Ünvan: AZ 1000, Bakı şəhəri, Vidadi küçəsi,158

Telefon: (99412) 4980983

BAKU.WS