110-luq yolda 95-lə radara düşdü - VİDEO

Mingəçevirdən Bakıya gələn sürücü yolda radara düşüb. Sürücü iddia edir ki, o, sürət həddi saatda 110 kilometr olan yolda 95-lə hərəkət edib. Amma bir neçə gündən sonra ünvanına elektron protokol gəlib ki, 70-lik sürət həddini aşdığına görə cərimə edilib. BAKU.WS xəbə verir ki, sürücü günahsız olduğunu sübut etməkdən ötrü yenidən həmin yerə gedərək ərazidəki nişanları çəkib ''XəzərXəbər''in votsap nömrəsinə göndərib. Sürücü yoldakı polis postlarından birinə yaxınlaşaraq onları məsələ ilə bağlı xəbərdar edib. Postdan ona bildiriblər ki, sürət həddini aşdığına görə 50 manat məbləğində və 2 bal cərimə edilib. Qanunsuz olaraq cərimə edildiyini deyən sürücü Elmir Göyüşov cəriməsinin silinməsini tələb edir. Məsələ ilə bağlı Baş Dövlət Yol Polisi İdarəsinin şöbə rəisi Kamran Əliyev bildirdi ki, belə halla rastlaşan sürücülər idarəyə və yaxud da ''902''- qaynar xəttinə məlumat versinlər. Məsələ tez bir zamanda araşdırılacaq. Əgər həqiqətən də sürücünün iddiası doğru olarsa, elektron protokol ləğv ediləcək. BAKU.WS