Nazir sürət həddini aşdığına görə 600 dollar cərimələnib

Yaponiya məhkəməsi Okinava və "şimal ərazilərin” (cənubi Kuril adaları) işi üzrə dövlət nazirini sürət həddini aşdığına görə təxminən 600 dollar cərimə edib.

BAKU.WS AZƏRTAC-a istinadən xəbər verir ki, 49 yaşlı nazir Yosuke Suruxo bu il iyulun 2-də Osaka prefekturasının İdzumi şəhərindəki trasın saatda 80 kilometr sürət həddi olan hissəsində avtomobilini 123 kilometr sürətlə idarə etdiyinə görə 60 min yen məbləğində cərimələnib.

Nazir hadisəni seçkiqabağı mitinqdə parlamentin yuxarı palatasına namizədlərdən birini dəstəkləməyə gedərkən tıxacda qaldığı üçün tələsməsi ilə izah etsə də, məhkəmə cərimə qərarını qüvvədə saxlayıb.

Yosuke Suruxo bundan əvvəl - 2006-cı ildə də Osaka prefekturasının avtomobil yollarının birində sürət həddini aşdığına görə 70 min yen cərimə olunub.

 BAKU.WS