Vüsalə Mahirqızı: "Təklif eləyirəm ki, adam olun!"

"Mən mediada həmişə qaydaları pozmamağa çalışmışam". BAKU.WS-in məlumatına görə, bunu "APA Holding”in rəhbəri Vüsalə Mahirqızı öz "Facebook" səhifəsində paylaşdığı statusunda qeyd edib. "Təsir imkanından, siyasi də daxil olmaqla hər hansı baxışından asılı olmayaraq bütün media qurumlarına, vəzifəli-vəzifəsiz, çalışan-çalışmayan, mənə və bizim şirkətə mövqeyindən asılı olmayaraq bütün həmkarlarıma hörmətlə yanaşmışam, kimsəyə pislik eləməyə, kürəyini yerə vurmağa çalışmamışam" - deyə Vüsalə Mahirqızı bildirib. Onun yazdığına görə, amma son günlər bəzi qurumlarda və həmkarlarda bunun əksini müşahidə edir. "Sizi əmin edirəm, hamıya öz dilində cavab vermək imkanım və bacarığım var. Təklif eləyirəm ki, adam olun!" - deyə, o, sonra qeyd edib. BAKU.WS