Özcan Deniz Azərbaycan xalqından üzr istədi: “Məlumatsız olmağımı bağışlayın”

Bugünlərdə türkiyəli müğənni Özcan Denizin 2009-cu ildə Türkiyədə "Kanal 24” televiziyasında erməni dilində mahnı oxuduğu görüntüləri gündəmə gəlib.

BAKU.WS xəbər verir ki, Türkiyədə televiziya verilişində Azərbaycanın məşhur bəstəkarı Emin Sabitoğlunun "Dağlar” mahnısını erməni dilində oxuyan və bunu erməni xalq mahnısı kimi təqdim edən, bununla da Azərbaycan ictimaiyyəti tərəfindən qınağa tuş gələn

 Ö.Dəniz görüntülər yayıldıqdan sonra, o, "İnstagram” bloqunda məsələ ilə bağlı "İnstagram” bloqunda Azərbaycan xalqına müraciət edərək, üzr istəyib:

"Əzizi azərbaycanlı qardaşlarım, təxminən 10 il əvvəl "Mədəniyyət körpüləri” adlı bir konsert silsiləmiz var idi. Bu konsertdə Mesopotamiyaya aid bir çox dildə mahnı oxuduq. Bu video- layihənin tanıtımı üçün 8 il əvvəl iştirak etdiyim bir proqramdandır. Repertuarda hətta ispan və ingiliscə mahnılar da var idi. "Kanal 24”-də yayımlanan "Kafa Dengi” proqramına da təminən 10 il əvvəl bu konsertlərin tanıtımı üçün çıxmışdım və oxuduğum da sadəcə həmin an əzbər bildiyim bir türkü idi. Emin Sabitoğlundan bəhs etməli idim, haqlısınız. Sadəcə, bunun üçün sizdən üzr istəyə bilərəm. Məlumatsızlığıma bağışlayın! Mən artıq səhnəyə çıxmıram... Sənətin dili, dini, irqi olmaz. Sizə orada hansı media orqanı necə təqdim edir, bilmirəm, amma təhrif etdikləri dəqiqdir. Mən sənətçiyəm, yer üzündəki heç bir mədəniyyətə düşmən ola bilmərəm. Siyasət mənim işim deyil. Bu qəsdən edilən davranış məni ən az sizin qədər kədərləndirdi və qəzəbləndirdi. Keçmişdə yaşadığınız acıları ən az sizin qədər bilirəm, hiss edirəm və yanınızdayam. Azərbaycanlı dostlarım bilir, mən hər il Xocalı Soyqırımının ildönümündə kədərinizi paylaşıram. Bir neçə dəfə Bakıda Şəhidlər Xiyabanına gedib dua etmişəm.

Allah bilir ki, çəkdiyim seriallarda Azərbaycan xalqını alçaldacaq hər cür ssenariyə qarşı çıxmışam. Biz qardaşıq, sizlərlə mənim münasibətim daha fərqlidir. Türk filmini Azərbaycana ilk gətirən mənəm. Türkiyədə Azərbaycan sənətçilərinə ilk dəfə konsert təşkil edən də mənəm. Hazırda azərbaycanlı dostlarımızla iki qardaş ölkənin ortaq dəyəri olan "Koroğlu” dastanını çəkmək üçün görüşlər keçiririk.

Bakı hər zaman mənim ikinci şəhərim, azərbaycanlı qardaşlarım da hər zaman mənim dostlarım olacaq. Buna zərər vermək istəyənlər sadəcə etdikləri pisliklə qalacaqlar. Sizləri sevirəm və pisniyyətli insanlara deyil, qəlbimə inanın. Allaha əmanət olun”.

Qeyd edək ki, Ö.Dəniz yazılı müraciətlə kifayətlənməyərək, həmçinin müraciətini qısa video çarx vasiətsiylə də yayımlayıb. O, video çarxda ifa etdiyi Azərbaycanın xalq artisti, görkəmli bəstəkar və müğənni Polad Bülbüloğlunun "Gəl, ey səhər” mahnısını səsləndirib. Həmin video çarxı təqdim edirik:

Aytən.H

BAKU.WS