Azərbaycanca 
По-русски 
English 
Haqqımızda
Hollivudun məşhur rejissoru ilə həyat yoldaşını oğlu öldürüb
Hollivudun məşhur rejissorlarından olan Rob Raynerlə həyat yoldaşı Mişel Sinqr Raynerin qatilinin öz oğulu olduğu ortaya çıxıb.
BAKU.WS xəbər verir ki, film dünyasını yasa boğan bu xəbər evə təcili yardımın çağırılması ilə bilinib. Həkimlər cütlüyün yerdə bıçaqlanmış halda cansız bədənini aşkar ediblər.
Raynerin ailə üzvləri təcili olaraq istintaqa cəlb edilib.
Polis qətli törətməkdə Rob Raynerin oğlu Nik Raynerdən şübhələnib. O əsas şübhəli olaraq saxlanılıb.
Dünya mətbuatında Nikin polislər tərəfindən qandallanaraq saxlanıldığı görüntüləri yayılıb.
O ata və anasının yaşadığı malikanədən 24 kilometr aralıda, Cənubi Kaliforniya Universitetinin yaxınlığında saxlanılıb.
Nik ilkin olaraq Los Anceles şəhəri mərkəzində yerləşən Parker Center həbsxanasına aparılıb.
Mənbələr bildirir ki, cinayətdən bir neçə gün əvvəl cütlük oğlu ilə birlikdə Konan Obraynın Yeni il qonaqlığına qatılıb.
Orada Nik ailəsi ilə mübahisə etməyə başlayıb və əsəbi halda məclisi tərk edib. Qonaqlıqdakı hamı onun qəribə hərəkətlər etdiyini vurğulayıb.
Oxşar xəbərlər
2025-ci ildə nənə-baba olub, nəvə toyu görən MƏŞHURLAR - SİYAHI
Hər zaman deyən-gülən, əylənən, çal-çağır edən şou əhli bu il də ənənəyə sadiq qaldı. Kimi toy edib qız köçürdü, kimi vağzalı sədaları altında evinə gəlin gətir...
