Dünyanın ən nəhəng gəmisi səfərə çıxdı (FOTO)

Dünyanın ən böyük sərnişin gəmilərindən "Harmony of the Seas" ilk sınaq səfərinə çıxıb.

BAKU.WS-in məlumatına görə, "STX France" şirkəti tərəfindən Fransanın cənubunda Saint-Nazairedə inşa edilən 362 metr uzunluğunda, 66 metr enindəki gəmi manevr qabiliyyəti və təhlükəsizlik sistemlərini sınamaq məqsədiylə üç gün dənizdə qalacaq.

8 min sərnişin tutumuna sahib gəmidə 2 mindən çox heyət çalışacaq. "Harmony of the Seas"ın 12 mayda ilk ödənişli səfərini etmək üçün Aralıq dənizinə gələcəyi planlaşdırılır.

İçində üzmə hovuzları, oyun salonları olan, bir çox lüksün düşünüldüyü sərnişin gəmisinə minmək istəyənlər seçdikləri kameranın rahatlığına görə 400 - 1200 avro civarında pul ödəməlidir. 

ABŞ-ın "Royal Carribiean" şirkəti tərəfindən alınan 70 metr hündürlüyündəki nəhəng sərnişin gəmisinin 227 min ton olduğu bildirilib. Gəmidə 16 körpü var.

BAKU.WS