2016-cı ilin ən zəngin ulduzları - SİYAHI

"Forbes" jurnalı 2016-cı ildə ən çox gəliri olan ulduzların siyahısını dərc edib.

BAKU.WS-in məlumatına görə, son bir il ərzində ən çox qazanan ulduz amerikalı 26 yaşlı müğənni Teylor Svift olub - 170 milyon dollar. İkinci yerdə amerikalı qrup "One Direction" gəlir - 100 milyon. Üçüncü yerdə 95 milyonluq sərvətlə  69 yaşlı nyu-yorklu yazıçı Ceyms Pattersondur.

Siyahının dördüncü ($88 mln) yerini iki məşhur bölüşüb - portuqaliyalı futbolçu Kriştiano Ronaldo və psixoloq, yazıçı və teleaparıcı Fil Makgrou.

Daha sonra siyahıda gülüş ustası Kevin Hart ($87,5 mln.), radioaparıçı Hovard Stern ($85 mln.), futbolçu Lionel Messi ($81,5 mln), britaniyalı müğənni Adel ($80,5 mln.) yer alıblar.

Müğənni Madonna siyahıda 12-ci ($76,5 mln) yerdədir. Rihanna son bir ildə $75 mln., Kelvin Harris $63 mln., Keti Perri $ 41 mln. qazanıblar.