VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən


Akademik Opera və Balet Teatrında bəstəkar Ramiz Mustafayevin Səməd Vurğunun eyniadlı dramı əsasında yazdığı "Vaqif” operasının nümayişi olacaq. 

BAKU.WS xəbər verir ki, tamaşada Vaqif obrazını ilk dəfə olaraq Akademik Opera və Balet Teatrının solisti, əməkdar artist Ramil Qasımov ifa edəcək. 

Ramil Qasımovun mətbuat katibinin verdiyi məlumata görə, yeni quruluşda hazırlanmış "Vaqif” operası görkəmli bəstəkar Ramiz Mustafayevin 90 illik yubileyi ərəfəsində oynanılacaq. Nümayişi bu il noyabrın 26-da baş tutacaq tamaşanın quruluşçu rejissoru Hafiz Quliyev, quruluşçu dirijoru Cavanşir Cəfərovdur. Tamaşada baş rollarda Ramil Qasımov, İlahə Əfəndiyeva, Fərid Əliyev, Cahangir Qurbanov, Taleh Yəhyayev, Tural Ağasiyev çıxış edəcəklər. 

Tamaşada Vaqif operasının ifa edəcək əməkdar artist Ramil Qasımov bu obrazın onun üçün çox önəmli olduğunu bildirib: "Bu obrazı ifa etmək mənim üçün şərəfdir. Təbii ki  bunu gerçəkləşdirmək böyük əzimlilik, eyni  zamanda məsuliyyət tələb  edir. Çalışacağam ki, bu  etimadı Ramiz Mustafayev sənətini sevənlərin, eyni zamanda, klassik musiqiyə dəyər verən tamaşaçılar qarşısında doğruldum. Fürsətdən istifadə edib bütün yaradıcı və texniki heyətə uğurlar diləyirəm”.   

Onu da bildirək ki, bu günlərdə "Vaqif” operasından Ramil Qasımovun ifasında Vaqifin ariyasının klipi də hazırlanıb. Məqsəd Azərbaycan klassik musiqisinin bugünkü nəslə təbliğidir. 
 
Aytən Həsənovs
BAKU.WS