Türkiyənin bu bölgələrində 7.2 və 7.4 bal zəlzələlər ola bilər - AÇIQLAMA - FOTO

Türkiyənin Hatay vilayətində baş verən zəlzələni öncədən proqnozlaşdıran seysmoloq, professor Naci Görür bu dəfə başqa ərazilərdə baş verə biləcək təbii fəlakətlərə görə xəbərdarlıq edib.

BAKU.WS Türkiyə KİV-ə istinadən xəbər verir ki, seysmoloq baş verəcək təbii fəlakətlərin 7.4 bal gücündə olacağını açıqlayıb:

“Ərzincan, Bingöl-Karlıova arasında 7.4 böyüklüyündə zəlzələ gözləyirik. Burada sonuncu dəfə təbii fəlakət 1790-cı illərdə baş verib. Bingöl Karlıova ilə Bingöl Göynük arasında da 7.2 gücündə zəlzələ ola bilər. Təbii fəlakətin cənub-şərqi Anadolu, xüsusilə də Adıyaman və Hakkari arasında olması gözlənilir.

Naci Görür yaxın 20 il ərzində Türkiyəni zəlzələyə davamlı hala gətirməyin prioritet məsələ olduğunu vurğulayıb:

“Hazırda İstanbulda su-kanalizasiya sisteminin zəlzələyə davamlı olmadığını da bilirik. Əgər bunun qarşısı alınmazsa yaranan xəstəliklər ən az zəlzələ qədər təhlükəli vəziyyət alaraq kütləvi insan tələfatına gətirib çıxaracaq”.