İsrail ordusu Qəzza zolağına zərbələr endirdi, hərbi hava qüvvələrinin rəhbərini öldürdü

İsrail qırıcıları cümə günü Qəzza zolağında bir neçə hədəfə zərbələr endirib, onlarla fələstinli Həmas yaraqlısını öldürüb.

BAKU.WS xəbər verir ki, bu barədə İsrail Müdafiə Qüvvələrinin (IDF) mətbuat xidməti məlumat yayıb.

“İsrail ordusu Qəzza zolağında HƏMAS terrorçularının hədəflərinə zərbələr endirməkdə davam edir və onlarla Nuxba (Həmasın elit bölməsi) terrorçusunu öldürür”, - bəyanatda deyilir.

İsrail ordusu bildirib ki, İDF döyüşçüləri cümə günü "geniş miqyaslı zərbələr" həyata keçirib. Nuxba yaraqlıları “keçən şənbə günü İsrailə sızmağa rəhbərlik edən aparıcı qüvvələrdən biri idi”.

"Bundan əlavə, son 24 saat ərzində İDF döyüşçüləri HƏMAS terror təşkilatının hava əməliyyatlarının idarə olunduğu əməliyyat qərargahına zərbələr endirib. Zərbə zamanı İsrail ordusunun döyüşçüləri HƏMAS hərbi hava qüvvələrinə rəhbərlik edən Murad Əbu Muradi məhv ediblər”, - mətbuat xidməti əlavə edib.